sudo sed -i 's/gutsy/hardy/' /etc/apt/sources.list

За оваа надградба решив да одам со update-manager бидејќи читав дека бил доста подобрен и дека многу луѓе го користат за надградба на Ubuntu:

update-manager -d

…по што ми се појави овој прозорец:

Само да појаснам, ова значи дека за некои пакетите што ги имате инсталирано на тековниот систем не може да биде најдена соодветна надградба, јас имав инсталирано mugshot поради кој што и го добив предупредувањево. Откако ќе изберете „Парцијална надградба“ надградбата треба да почне.

Преземање и инсталација на новите пакети.

Расчистување на непотребните/застарените пакети.

И конечно, надградбата е успешно завршена.

Се што направив после ова беше рестартирање на системот. Ubuntu Hardy се подигна без никаков проблем. Неколку пати со некои постари верзии на Ubuntu ми се има случувано системот воопшто да не се подига по надградба на дистрибуцијата, некогаш да не можам да се најавам во GNOME или пак да не работи GDM, но овојпат немав никакви проблеми. Откако се подигна GNOME сите апликации ми беа тука и си функционираа како и пред надградбата. Навистина перфектна надградба.

GNOME 2.22

Досега и повеќе од еднаш имам пишувано за GNOME 2.22, но две закон работи што морам да ги спомнам во ова издание а што мислам дека досега ги немам спомнато се Cheese и Phone Manager (a.k.a gnome-phone-manager, кој што досега не ми работеше со Nokia 5300). Поради некоја глупа причина Cheese не доаѓа стандардно со Hardy но можете многу лесно да го инсталирате бидејќи е достапно во стандардните складишта за Hardy. Се прашував what is all the fuzz about Cheese но ми стана јасно откако го инсталирав и пуштив првиот пат.

Cheеse е д ултимејт најзакон програмче за максимално искористување на вашата веб камера. Cheese слика и снима видеа а најинтересно е што нуди десетина ефекти кои што го прават целото искуство многу повесело. Можеби не изгледа како многу од сликава но инсталирајте го и уверете се сами.

Што се однесува до Phone Manager-от, тоа е едно мало програмче кое што можете сериски, преку USB, IrDa или преку Bluetooth да го поврзете со вашиот телефон. Овозможува праќање на пораки, добивање на пораки во вид на балонче за известување (благодарение на libnotify) и понекогаш ве известува и за некои корисни работи како на пример дека батеријата на мобилниот ви е само 4% полна и слично.

Од тоа што имав можност да го видам до сега преводите во Hardy се океј. Можно е македонскиот тим за локализација на Ubuntu наскоро да издаде и пакет со поправени преводи бидејќи истите ќе ги чекаме со месеци од Canonical поради спориот процес на увезување на поправените преводи во нивниот систем.

Сега за сега сум задоволен од ова ново издание и мислам дека Ubuntu се уште останува наједноставната и најсредената GNU/Linux дистрибуција во моментов, секако погодна и за широките маси на нон-ub3r-g33k корисници.