Во последно време почнав да го користам додатокот off the record за енкриптирана комуникација со се повеќе луѓе на jabber. Ако користите Pidgin се што треба да направите е да го активирате додатокот, кој што автоматски ќе ви генерира fingerprint и приватен клуч. Се што треба да направите потоа е да кликнете на OTR менито и да одберете „Authenticate“ во прозорецот за разговор со контактот со кој што сакате да започнете off the record разговор.

Со користењето на off the record ќе се осигурате во следниве неколку работи:

- Дека користите енкриптирана комуникација

- Дека личноста со која што разговарате е стварно таа личност

- Личноста со која што разговарате може да биде сигурна дека разговара со вас

Idiot friendly упатство.

Reality check текст за прислушкување на твојата интернет врска.

Иако се уште не е ставена на хартија, добрата идеја за отворање на Хаклаб во Скопје го поттикна Илин Петковски да донира хардвер и компјутерска литература за истиот уште сега. Частете го пиво кога ќе го видите.

Инаку за оние што не следеле на IRC или на поштенска листа до сега, идејата е да се отвори простор каде што би можеле да доаѓаат сите луѓе што ги интересираат разни технологии, хакирање, дизајн, уметност, готвење (ова дека Глиша постојано го спомнува), за сите оние што мислат дека имаат нешто што умеат да го споделат со останатите свои сограѓани. Просторот исто така би послужил и како штаб на проектот Сподели на 2с.мк, што значи дека сите понатамошни СЗ и СК настани би биле организирани таму.

Со Стама се договоривме да склопиме конкретен план и проект и со тоа да поставиме некоја основа за понатамошно делување, па ако има некој што сака да се приклучи и да помогне, знаете каде да не најдете.

Ми требаше за на работа нешто боље од osTicket (sux btw) и после две години живот со RT (Request Tracker) си го воскреснав дома на компјутер за тестирање.

Инсталирање на Request Tracker верзија 3 на Ubuntu, за помалце од 10 мин.

Sweet.

Секојдневно користам gpg на работа за потпишување на електронски пораки, датотеки што ги испраќам преку пошта и сл. Пред некој ден излезе дека морам да го менувам овој клуч (кој што веќе претходно ми беше извезен на pgp.mit.edu), па да ја споделам процедурата која што се состои од неколку чекори (во случај да му затреба на некого некогаш).

Прво што треба да направите е да се осигурате дека го имате увезено вашиот gpg клуч. Одиме:

Како пример за key ID ќе го користам FFFFFFFF (ова го менувате со последните четири знаци од вашиот јавен клуч).

aangov@t60:~$ gpg –list-keys

 

pub 1024D/FFFFFFFF 2006-05-12

uid Arangel Angov

Океј, го најдовме клучот и key id-то, сега можеме да генерираме сертификат за повлекување:

aangov@t60:~$ gpg –gen-revoke FFFFFFFF > revoke.txt

 

Create a revocation certificate for this key? (y/N) y

Please select the reason for the revocation:

0 = No reason specified

1 = Key has been compromised

2 = Key is superseded

3 = Key is no longer used

Q = Cancel

Одбирате еден од дадените броеви.

Enter an optional description; end it with an empty line:

 

>

Reason for revocation:

No reason specified (No description given)

Is this okay? (y/N) y

You need a passphrase to unlock the secret key for user: "Arangel Angov "1024-bit DSA key, ID FFFFFFFF, created 2006-05-12

ASCII armored output forced.

Revocation certificate created.

Please move it to a medium which you can hide away; if Mallory gets access to this certificate he can use it to make your key unusable. It is smart to print this certificate and store it away, just in case your media become unreadable. But have some caution: The print system of your machine might store the data and make it available to others!

Наредно е да го увеземе сертификатот за повлекување.

aangov@t60:~$ gpg –import revoke.txt

…и повторно:

aangov@t60:~$ gpt –list-keys

 

pub 1024D/FFFFFFFF 2006-05-12 [revoked: 2008-08-28]

uid Arangel Angov

Скоро сме готови, извршуваме:

aangov@t60:~$ gpg –keyserver pgp.mit.edu –send-keys FFFFFFFF

…за да ги ажурираме информациите на key серверот дека овој gpg клуч е повлечен.

И за крај, останува уште да провериме дали сме ја завршиле работата.

Отворете Firefox одете на pgp.mit.edu и побарајте го Вашето име. Ако успешно сте ги следеле чекорите, треба да го видите следново над вашето име:

pub 1024D/FFFFFFFF 2008/08/28 *** KEY REVOKED ***

Толку е.

Знам дека фатив од крајот, но ќе се потрудам да напишам уште едно упатство за генерирање и испраќање на gpg клуч на key сервер како и да покријам неколку едноставни операции за како да користите gnupg за електронската пошта како и за потпишување (енкриптирање) на датотеки/документи кои што сакате да ги испратите на вашите бизнис партнери и сл.

Слободен софтвер Македонија доделува 20 Ubuntu маички на сите оние кои што ќе исполнат барем еден од двата услови наведени подолу:

1. Да решите 2 постоечки проблеми на форумот или пак да напишете 4 решенија за постоечки проблеми во последната верзија на Ubuntu (Hardy). Не е важно како ќе го направите тоа, значи можете да напишете целосно ваше решение, да го преведете од некој странски форум или сл.

2. Да напишете 1 детално упатство за извршување на одредени задачи на Ubuntu (пр. компајлирање на кернел, поставување на Ekiga, поставување на Evolution, инсталирање на додатни апликации, печатење/уредување/спремање презентации во OpenOffice.org итн.). Едноставни упатства од типот на „манипулација со датотеки (копирање, бришење, креирање датотеки)“ нема да се сметаат за доволни.

Еве и како изгледа маичката:

Повеќе информации на форумот.

Со среќа!

PS Оние од вас што ја следат поштенската листа на ossm-members знаат дека викендов поднесовме апликација за регистрирање на македонски локален ubuntu тим. Повеќе за ова можете да прочитате тука. Секако, сите заинтересирани се добредојдени да му се приклучат на тимот.

Освен јас, Миша, Стама, Новица, Дамјан и Владо не дојде никој. Сите го имаме гледано филмот по 50 пати. Требаше да дојдете и да донесете некој со вас. Сите што го читате постов а не дојдовте – тапа сте! А се кладам дека ќе доевте ако имаше бесплатно пиво… тука ја имаме утнато работата.

Конечно. Трубам две години да се пушти филмов во Точка па и на СЗ претходно, не за оние што веќе знаат што е слободен софтвер туку за оние што не знаат.

Филмот е одличен, лесен за разбирање, содржи се што ви треба за да разберете what is all the fuzz about. Значи ако ве интересира што е слободен софтвер, зашто е корисен за светот, дали програмерите што пишуваат слободен софтвер добиваат плата и како функционира сето тоа, повелете утре во културниот центар Точка во 20 часот.

Или како и да се преведува.. „Time Management“.

Денес завршив со читање на една многу интересна и корисна (барем за мене) книга насловена „Time Management for System Administrators“ (врска до Amazon) од Томас Лимончели. Книгата е одлична за сите што работат во ИТ индустријата вклучувајќи ги и програмерите и мрежните администратори (не му обрнувајте внимание на насловот).

Авторот го објаснува својот систем за работа и менаџмент на времето наречен „The Cycle“ како и неколку пропратни техники и совети за успешно преживување на секојдневните проблеми и избегнување на стресот со кој што се судираат систем администраторите во денешно време. Ми се допаѓа тоа што циклусот („The Cycle“) е целосно отворен систем кој што можете да го применувате каков што е но и да го менувате според вашите потреби, што е баш она што на мене ми требаше.

Можеби на прв поглед изгледа како америчка реклама 0-800-менаџирајте-си-го-времето-успешно но ве уверувам дека книгата е навистина корисна и забавна со доста user-friendly стрипчиња кои што со сигурност ќе ве насмеат.

Не би било лошо книгава да се додаде на листата на желби за библиотеката на 2с.мк.

Го земав светиот лаптоп и го носам во Точка наредната недела.

Бидејќи се работи за верзија за тестирање со постар фирмвер моментално пробувам да го освежам фирмверот. Друга работа што сакам да ја направам пред презентацијата во организација на Слободен софтвер Македонија (која што ќе биде прописно најавена каде и да е) е да пробам да го користам USB стикот како swap простор за да го убрзам Sugar-от односно работната околина за XO.

Се надевам дека ќе го средам до презентацијата каде што и ќе кажам збор-два општо за лаптопот и нешто  повеќе околу неговите технички спецификации и можности.

Изминативе неколку недели малку повеќе им се посветив на вообичаените активности во заедницата, па еве што правев и што е ново:

• Денес треба да излезе Pidgin 2.2.0 – Иако никој не помогна да се среди македонскиот превод сепак ќе добиеме уште еден добро изгланцан превод на овој одличен клиент за инстант пораки.
• GNOME 2.20 излегува на 17ти септември, носи некои доста интересни нови опции кои што би требало доста да го подобрат нивото на употребливост на оваа работна околина. И оваа верзија на GNOME ќе биде достапна на македонски јазик а се надеваме дека во наредната ќе имаме и преведена документацијата за апликациите.
• Јове ги преведе белешките за изданието за GNOME 2.20, ако ги поминувате и наидете на некаква грешка, отворете задача на bugs.softver.org.mk – иако не верувам дека уште некој билда GNOME (посебно не во Македонија каде што општопопуларни се Ubuntu и KDE), ѕирнете го делот за „Инсталирање на GNOME“ ако сакате да го билдате 2.20.
• GoodBytes се вратил од одмор и го продолжува ass-whooping-от со неговите блог постови – еден од ретките македонски блогери кои што секогаш ми се интересни и забавни за читање.
• Пред некоја недела го преведов Glipper, корисно програмче што ја чува историјата на ископиранот текст без разлика дали сте го копирале со Ctrl-C или само со избирање на текстот.
• Испратив закрпа на bugzilla.gnome за листата на јазици во GDM за менување на стрингот „Macedonian“ во „Macedonian (македонски)“ – Благодарност до Дамјан за помошта околу ова.
• Како резултат на заедничките напори на повеќе луѓе, Слободен софтвер Македонија конечно има нов веб сајт.
• Се надевам на успешен reboot на Сподели знаење во брзо време како и дека ќе бидам во можност да организираме една сесија за запознавање со OLPC. За ова ќе се потрудам да донесам и еден лаптоп (да ТХЕ лаптоп) некаде пред нова година.

И за крај, бидејќи викендов патувам во Белгија <evil grin>(за да пијам добро пиво и таму)</evil grin> сакам да ви посакам успешен ден на слободниот софтвер. Веќе гледам дека и некои нови луѓе се вклучени во овогодинешните напори за организирање на денот па се надевам дека наредната година ќе бидеме уште повеќе како и дека ќе бидам во можност и јас да бидам таму.

Што друго да кажам, Стама did it.