klime@ubuntu:~ $ sudo apt-get install shopska

Some packages could not be installed. This may mean that you have requested an impossible situation or if you are using the unstable distribution that some required packages have not yet been created or been moved out of Incoming. Since you only requested a single operation it is extremely likely that the package is simply not installable and a bug report against that package should be filed. The following information may help to resolve the situation:

The following packages have unmet dependencies:

shopska: Depends: rende but its not going to be installed.

E: Broken packages

klime@ubuntu:~ $ cat /etc/apt/sources.list

deb http://oh.ubuntu.com/ubuntu/ intrepid universe
deb-src http://oh.ubuntu.com/ubuntu/ intrepid universe
deb http://security.ubuntu.com/ubuntu/ intrepid-security main restricted
deb-src http://security.ubuntu.com/ubuntu/ intrepid-security main restricted

Иако се уште не е ставена на хартија, добрата идеја за отворање на Хаклаб во Скопје го поттикна Илин Петковски да донира хардвер и компјутерска литература за истиот уште сега. Частете го пиво кога ќе го видите.

Инаку за оние што не следеле на IRC или на поштенска листа до сега, идејата е да се отвори простор каде што би можеле да доаѓаат сите луѓе што ги интересираат разни технологии, хакирање, дизајн, уметност, готвење (ова дека Глиша постојано го спомнува), за сите оние што мислат дека имаат нешто што умеат да го споделат со останатите свои сограѓани. Просторот исто така би послужил и како штаб на проектот Сподели на 2с.мк, што значи дека сите понатамошни СЗ и СК настани би биле организирани таму.

Со Стама се договоривме да склопиме конкретен план и проект и со тоа да поставиме некоја основа за понатамошно делување, па ако има некој што сака да се приклучи и да помогне, знаете каде да не најдете.

До 1ви септември треба да завршиме со локализацијата на новата верзија на работната околина GNOME. Како што поминува времето се помалку и помалку време имам да ги одржувам модулите на кои што работев изминативе 6-7 години, но сепак ќе се потрудам и за оваа верзија да ги средам оние поважните како што се nautilus и rhythmbox. 

Како единствени постојани членови на тимот GNOMK со Јове се договоривме овој пат да завршиме што е можно побрзо со новите низи и повеќе да се фокусираме на подобрување на квалитетот на преводот, значи менување на погрешно преведени термини, поправање на печатни грешки и слично, да ги ставиме во ред некои од термините за кои што дефинитивно сè имаме сложено дека мора да се менуваат (некои од нив според оние во Firefox – кој што може да се издвои како програма со најконзистентен превод на македонски јазик, фала Mozilla.мк!).

Доколку има некој што сака да помогне, може слободно да остави коментар овде или пак да не контактира мене или Јове на било кој друг начин. 

Највеќе помош е потребна околу пријавување и поправање на грешки а овој пат и со неколку дополнителни интересни програми како што се Brasero и F-spot.

GNOME е работната околина која што најверојатно од септември ќе се користи во сите училишта каде што владата стигна да ги проработи компјутерите со Edubuntu, па мислам дека ќе биде доста корисно за сите идни генерации да имаат квалитетно преведена работна околинa (секако доколку се случи машините понатаму да бидат надгрaдени).

PS Најверојатно ја имаме изгубено базата од стариот gnome.linux.net.mk сајт, па доколку има доброволци да помогнат околу изработка на нов сајт за тимот и активностите на кои што работиме нека ме контактираат.

Конечно:

• Прес. √
• Налепници. √
• Торта. √
  
• Диџеј. √
  
• Опрема. √

Утре во Точка во 20:00, да го прославиме излегувањето на Firefox 3.

Голема благодарност до сите што го овозможија ова издание на македонски, како и до сите што помогнаа да се организира забавата.

И не заборавајте да го преземете Firefox 3 за некој час!

Слободен софтвер Македонија доделува 20 Ubuntu маички на сите оние кои што ќе исполнат барем еден од двата услови наведени подолу:

1. Да решите 2 постоечки проблеми на форумот или пак да напишете 4 решенија за постоечки проблеми во последната верзија на Ubuntu (Hardy). Не е важно како ќе го направите тоа, значи можете да напишете целосно ваше решение, да го преведете од некој странски форум или сл.

2. Да напишете 1 детално упатство за извршување на одредени задачи на Ubuntu (пр. компајлирање на кернел, поставување на Ekiga, поставување на Evolution, инсталирање на додатни апликации, печатење/уредување/спремање презентации во OpenOffice.org итн.). Едноставни упатства од типот на „манипулација со датотеки (копирање, бришење, креирање датотеки)“ нема да се сметаат за доволни.

Еве и како изгледа маичката:

Повеќе информации на форумот.

Со среќа!

PS Оние од вас што ја следат поштенската листа на ossm-members знаат дека викендов поднесовме апликација за регистрирање на македонски локален ubuntu тим. Повеќе за ова можете да прочитате тука. Секако, сите заинтересирани се добредојдени да му се приклучат на тимот.

Конечно. Трубам две години да се пушти филмов во Точка па и на СЗ претходно, не за оние што веќе знаат што е слободен софтвер туку за оние што не знаат.

Филмот е одличен, лесен за разбирање, содржи се што ви треба за да разберете what is all the fuzz about. Значи ако ве интересира што е слободен софтвер, зашто е корисен за светот, дали програмерите што пишуваат слободен софтвер добиваат плата и како функционира сето тоа, повелете утре во културниот центар Точка во 20 часот.

http://xkcd.com/386/.

Пробував неколку темни теми за GNOME денес и дојдов до овој изглед:

Добро е што боите за GTK темата можат да се менуваат и може да се стигне до некој прифатлив изглед. Највеќе ми смета што не ја приметувам разликата помеѓу табовите во Firefox и што не можам да го сменам фонтот на сите што ми куцаат во Pidgin.

На прв поглед изгледа многу привлечно, ама осеќам дека ќе се вратам на старата добра Clearlooks тема штом ќе ми почне работниот ден утре.

Како и да е, ако некој сака да ја проба темата се вика ClearLooksDark.

Веќе недела дена со Јове работиме на локализација на новите GNOME апликации кои што треба да бидат објавени некаде во март заедно со новата верзија на GNOME – 2.22. Ако има некој што сака да помогне може да ја погледне страницава. 

GHOP се покажа како успешна работа, двајца средношколци земаа и завршија 50% од преводот на документацијата за клиентот за е-пошта, Evolution, откако ќе ги прегледам и спојам двете датотеки ќе ги качам во SVN.

Уште еднаш отворено упатувам повик до сите заинтересирани да помогнат со локализацијата на документацијата и интерфејсот на GNOME 2.22. Да ја покажеме нашата љубов кон проектот GNOME и да возвратиме со тоа што ќе им овозможиме на повеќе луѓе да го користат GNOME на својот мајчин јазик.

ПС Сега волонтерски рмбаме и за сите ученици кои што добија нови компјутери со Ubuntu и GNOME, па ете наоѓам утеха во тоа што децата ќе имаат можност да користат софтвер на македонски.

Од кога сум дојден во Скопје инсталирав и потсредував Ubuntu на едно 15 машини. Ми се нема јавено ни еден од тие 15 луѓе да ме праша за било што што е валјда доказ дека се им работи како што треба. Ова кажува доволно за Ubuntu. Едноставно работи.

Лошата страна е што се уште не стигнав да го инсталирам на мојот лаптоп и да го преинсталирам на PC-то (од soon-to-be-doomed на новиот здрав диск).

И за крај, Ubuntu е толку популарно што почна да се појавува и на ромските ар-ен-би спотови на ТВ Шутел. Еве го и доказот. RNBuntu:

Иако се сомневам дека дечкото пее за „хуманост кон сите“.