Од соопштението објавено на GNOMK и linux.net.mk:

Има уште два дена до официјалното објавување на новото издание на GNOME. Во моментов најголема помош е потребна околу тестирање на преводите и пријавување на грешки на системот за пријавување на грешки.

Преведените PO датотеки можете да ги преземете од страницата за статистики за GNOME 2.22.

За тестирање препорачуваме GNOME Developer Kit.

Се надеваме дека ќе добиеме доволно извештаи за грешки до 7 април, кога излегува првата верзија со закрпи - GNOME 2.22.1.

Не стигнавме да работиме на документацијата воопшто а и како по обичај сите останати што се пријавија да помогнат исчезнаа на време.

Здравје, до наредното издание.

Веќе недела дена со Јове работиме на локализација на новите GNOME апликации кои што треба да бидат објавени некаде во март заедно со новата верзија на GNOME - 2.22. Ако има некој што сака да помогне може да ја погледне страницава. 

GHOP се покажа како успешна работа, двајца средношколци земаа и завршија 50% од преводот на документацијата за клиентот за е-пошта, Evolution, откако ќе ги прегледам и спојам двете датотеки ќе ги качам во SVN.

Уште еднаш отворено упатувам повик до сите заинтересирани да помогнат со локализацијата на документацијата и интерфејсот на GNOME 2.22. Да ја покажеме нашата љубов кон проектот GNOME и да возвратиме со тоа што ќе им овозможиме на повеќе луѓе да го користат GNOME на својот мајчин јазик.

ПС Сега волонтерски рмбаме и за сите ученици кои што добија нови компјутери со Ubuntu и GNOME, па ете наоѓам утеха во тоа што децата ќе имаат можност да користат софтвер на македонски.

Поминaa 10 дена откако го објавив првиот пост за преведување на македонската документација за GNOME (како дел од GHOP). Сега за сум прилично задоволен од пријавените ученици и резултатите. Досега се пријавија 3 ученици кои што работат на локализација на документацијата за gnome-panel, gnome-utils и evolution. Двајца од нив се при крај со задачите и наскоро треба да отворам и нови за останатиот дел од документацијата.

Под мое и под туторство на Јове сега за сега работите се одвиват нормално, па да се надеваме дека во 2008 ќе успееме да ја локализираме и документацијата за GNOME. Целта е покрај работната околина да имаме и целосно локализирана документација - дополнителна мотивација ни е тоа што сите училишта во Македонија ќе користат Ubuntu со GNOME, желбата ми е исполнета и ќе бидам многу среќен ако тоа не се промени.

Ако има некој ученик што сака да се пријави за GHOP или пак било кој друг што сака да му се приклучи на тимот, слободно контактирајте го Јове или оставете коментар на постов.

Во неколку навратни последниве 2-3 недели различни луѓе ми зборат и ме прашуваат за LPI и каде можат да најдат матерјали за него. На PC-во дома си најдов цел директориум со матерјали за LPI. Ги спакував и ги ставив тука. 

Со среќа, ако полага некој.

Го ажурирав и претходниот пост поради тоа што постот беше пријавен на кајмак.от. 

Отворив две задачи, старата е тука (локализација на документацијата за gnome-panel и gnome-utils) и новата тука (локализација на првите 500 стринга од документацијата за Evolution). Ако има заинтересирани ќе отворам уште задачи за допреведување на документацијата на Evolution.

GHOP (Google Highly Open Participation ^TM Contest ) им овозможува на учениците од средните и основните училишта во Македонија да научат како да придонесуваат во заедницата на корисници на слободен софтвер, да си го повежбаат англискиот како и да научат некоја нова работа на компјутерот, нешто што ќе им користи во иднина во животот. За сето ова Google доделува награда од 100 долари и GHOP маичка за сите учесници.

Пријавив задача за преведување на македонската документација на GNOME, конкретно модулите gnome-panel, gnome-utils и evolution. Ако сте најавени на gmail можете да и додадете ѕвездичка на задачата, па ве молам направете го тоа, нема да ви одземе повеќе од минута време.

Целта на GHOP е младите да научат како функционира заедницата и да ја завршат својата работа со помош на заедницата, значи да комуницираат на поштенски листи да прашуваат се што не им е јасно и со помош на поискусните придонесувачи успешно да ја завршат својата работа. 

GHOP завршува во фебруари, дајте им на вашите деца да прават нешто корисно за зимскиот распуст.

Секако тука сме јас и Јове за секаква помош околу преведувањето и техничкото поставување.

Врска до PO датотеките од документацијата тука.

Update: Отворив две задачи, старата е тука (локализација на документацијата за gnome-panel и gnome-utils) и новата тука (локализација на првите 500 стринга од документацијата за Evolution). Ако има заинтересирани ќе отворам уште задачи за допреведување на документацијата на Evolution.