И јас лично имам доста негативни искуства со типот. Некако нон стоп само он штрчи од сите членови на фондацијата, не знам како избуткал до тука, стварно не ми е јасно.

Фала ти Murray (Danke Murray).

На линкот подолу можете да го прочитате и официјалниот став на фондацијата GNOME во врска со OOXML форматот на Мicrosoft. И покрај сите дезинформации што се ширеа наоколу последниве неколку месеци GNOME како организација останува на своето, сеуште дел од ODF алијансата и се уште го подржува само проектот OpenOffice.org, иако го охрабрува развојот на проектите како што се Abiword, Glom и Gnumeric.

Ако ве интересира повеќе:

http://www.gnome.org/press/releases/ecma-tc45-statement.html

Еве што мразам кај сите до една дистрибуции на GNU/Linux. 

Дистрибуциите трошат многу време на реимплементирање на опции кои што веќе се имплементирани во друга дистрибуција наместо да ги спојат сите овие опции во јавен проект како што е GNOME.

Federico Mena Quintero објаснува:

Novell implemented intlclock.

Later, Fedora imported it, made their own packaging changes, and added some cool features.

Later, Ubuntu imported it and made their own packaging changes.

За целото ова време GNOME има четврта верзија на часовник на панелот и на развивачите на Fedora, Ubuntu и Novell не им текнува да ги качат промените upstream (во GNOME).

Среќа на некој му текнало да го направи ова. Кога сме кај contributing back to the root project за жал изгледа дека работите функционираат само во развојот на Linux кернелот.

Ubuntu 7.10

Го инсталирав на PC кај другар викендов и станува се подобро и подобро, посебно поради хардверската подршка (благодарение на кернелот секако). Се мислам дури да го отстранам RHEL-ов поради некои нови опции што ги нуди GNOME 2.20, останува уште само да најдам време за тоа.

Еве имам и доказ, а лепам и Ubuntu налепници.

Во последно време забележав дека сум станал дежурен за подршка за Ubuntu а бројот на машини за кои што се грижам расте секој месец. Благодарение на automatix подршката ми се сведува на неколку интервенции после инсталацијата и тоа е тоа.

И да заклучам за дистрибуциите, не ми е баш важно која ќе ја користам пошто сите освен Ubuntu бараат време да ги средиш и откако ќе ги средиш работат исто. Финтата е што Ubuntu можете да го донесете до тој степен на среденост многу побрзо без повеќето од проблемите на кои што ќе налетате во некоја од другите дистрибуции.

Ако некогаш ви се смачи од се, секогаш можете да инсталирате Debian, или не?

Update: После долга дискусија со еден колега вклучен во Fedora дојдов до вистината. И покрај тоа што мрчев дека сите го прават истото типот ме убедуваше дека случајот не бил таков со Fedora и излезе дека е стварно така. Типот што сакал да го прави пакетот за Fedora рече дека пакетот немало да биде вклучен во Fedora додека не влезе во upstream. Закрпата е таму па тоа значи дека ќе го има во GNOME 2.22 и Fedora 9. Наводно политиката на Fedora била да се чека на upstream за такви закрпи. Од друга страна пак да не крпеа сами Canonical, Ubuntu немаше да биде тоа што е. Во секој случај гееви се поради тоа што не работат во духот на слободниот софтвер.

Некој праи ршум по преводите на Google. Еве еден пример:

Еве уште еден пример:

Не знам за што се работи ама пробав да поправам колку што можам од направената штета и им пишав на Google да го банираат кој и да го прави ова. Не сум нешто голем фан на Google ама им ги користам сервисите секој ден за пошта, пребарување, чат итн. и нејќам некој да ми го ебе искуството на ваков начин.

Ако има некој што сака да помогне со средување на преводите нека се најави на gmail, нека оди во „Моја сметка“ и нека одбере „Google in your Langauge“. Таму можете да се пријавите како преведувач.

Бидејќи нема никаква контрола на квалитет на преводите ниту пак некој што може да ги одобрува/одбива, сега за сега ни останува само да се бориме против оние што ја прават штетата преку поправање на стринговите.