Скара, пиво, линукс #2 | 2008

Архива за март, 2008

четврток, март 13th, 2008

GNOME 2.22

Излезе GNOME 2.22. Ова издание е посветено на трагично загинатиот Raphael Higino, долгогодишен придонесувач во бразилскиот тим за превод на GNOME.

Што е ново во 2.22?

GVFS и GIO
- цели да обезбеди модерен VFS систем кој е лесен за употреба. Неговата цел е да обезбеди API кое развивачите ќе го преферираат над POSIX IO повиците. Наместо да го клонира POSIX IO API-то, GVFS овозможува интерфејс од повисоко ниво кој е центриран околу документи
Интеграција со PolicyKit
- се работи за нов повеќеплатформски безбедносен фрејмворк. Целта на PolicyKit е да овозможи начин за корисничките апликации да добијат додатни привилегии, на пр. административните апликации.
Anjuta (интегрирана развојна околина)
- отсега интегрирана во GNOME. На развивачите им овозможува многу опции како што се: вграден дебагер, интегриран уредувач на кориснички интерфејс и Valgrind интерфејс.
Локализација
- GNOME 2.22 е повторно 100% преведен на македонски јазик благодарение на македонскиот тим за локализација.

За повеќе можете да ги проверите белешките за изданието на македонски.

Доколку сакате да пријавите грешки во македонскиот превод на GNOME 2.22 тоа можете да го направите на http://bugs.softver.org.mk.

Уживајте!

Нема коментари Врска Објавено во GNOME, Заедница, Локализација, слободен софтвер

понеделник, март 10th, 2008

GNOME 2.22 целосно преведен на македонски

Од соопштението објавено на GNOMK и linux.net.mk:

Има уште два дена до официјалното објавување на новото издание на GNOME. Во моментов најголема помош е потребна околу тестирање на преводите и пријавување на грешки на системот за пријавување на грешки.

Преведените PO датотеки можете да ги преземете од страницата за статистики за GNOME 2.22.

За тестирање препорачуваме GNOME Developer Kit.

Се надеваме дека ќе добиеме доволно извештаи за грешки до 7 април, кога излегува првата верзија со закрпи - GNOME 2.22.1.

Не стигнавме да работиме на документацијата воопшто а и како по обичај сите останати што се пријавија да помогнат исчезнаа на време.

Здравје, до наредното издание.

1 коментар Врска Објавено во GNOME, Заедница, Локализација, Општо

сабота, март 8th, 2008

Bluetooth на Ubuntu 7.10

Не работи стандардно после инсталација.

Се што е потребно да го средите е да ги инсталирате следниве три пакета: gnome-vfs-obexftp, libopenobex1, obexfs. Јас користам apt-get па ќе почнам од тука.

sudo apt-get install gnome-vfs-obexftp libopenobex1 obexfs

За да ги инсталирате пакетите преку графичкиот фронтенд Synaptic кликнете на „Систем > Администрација > Менаџер за пакети - Синаптик“.

Кликнете го копчето за пребарување и внесете „obex“.
Изберете ги трите пакети.
Кликнете „Примени“.

Се што треба да направите после ова е да кликнете со левото копче од глушецот врз аплетот за bluetooth кој што би требало да се наоѓа на горниот панел (за лаптопи: проверете дали ви е вклучено копчето за bluetooth на лаптопот) и да изберете „Browse devices…“. Најдете го вашиот телефон (или друг bt уред) и изберете код.

Откако ќе го внесете истиот код и на компјутерот автоматски ќе ви се отвори менаџерот за датотеки кој што ќе ги прикаже сите податоци кои што ги имате на уредот со кој што се поврзувате.